Steve nooi Julius na sy huis vir ’n braai
2010-04-10 23:01
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Jan-Jan Joubert
Die sanger Steve Hofmeyr het die ANC-jeugleier, mnr. Julius Malema, vir ’n vleisbraai by sy huis genooi in die belang van kommunikasie en begrip.
Hofmeyr het die afgelope week by die Absa KKNK in Oudtshoorn aan Rapport gesê mense in die land praat by mekaar verby; koel koppe is nou nodig.
“Na aanleiding van die opswepende aard van Malema se opruiende uitsprake hoor mens van mense wat meen hy kan ’n teiken wees uit wraak op die moord op die AWB-leier, mnr. Eugène Terre’Blanche.
“Sulke mense moet besef dit kan dalk soos poetic justice voel, maar geregtigheid kan dit nooit wees nie.”
Hy het terselfdertyd ’n sterk beroep gedoen vir leierskap van die regering en die ANC.
“Dis tyd om te sê dat opoffering en selfbeheersing nie net van een kant kan kom nie. Daar is al 3?368 boere en plaaswerkers vermoor.
“Dis tyd om te sê die vloer is Malema en pres. Jacob Zuma s’n.”
Hofmeyr het benadruk dit is nie ’n tyd vir enigeen om moed te verloor oor Suid-Afrika se toekoms nie.
“My voortgesette besluit om nie te emigreer nie is die teken van my vertroue in die land en sy mense. Ek glo in ons Suid-Afrikaners. Maar dit is absoluut noodsaaklik dat ons regering die regte ding begin doen.
“Dit is vir die regering – die huidige regering, geen ander regering nie – se vermoë om die regte ding te doen dat ek ja gestem het in 1992 se referendum; iets waarop ek trots is.
“Mens soek nie die Vierkleur terug voor die Uniegebou nie, maar jy wil ook nie hê die sondes van die vadere moet gebruik word as ’n tou om die kinders mee op te hang nie.
“Dis miskien tyd dat ons ’n lys van 20 dinge opstel waarvoor wit mense werklik om verskoning moet vra, en 20 dinge vir swart mense, en 20 vir bruin mense.
“Wat ons nie kan bekostig nie, is dat dit so lank neem vir wonde om te genees soos ná die Anglo-Boereoorlog.
“Iewers moet ons ’n streep deur die verlede trek.”
- Rapport
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Jan-Jan Joubert
Die sanger Steve Hofmeyr het die ANC-jeugleier, mnr. Julius Malema, vir ’n vleisbraai by sy huis genooi in die belang van kommunikasie en begrip.
Hofmeyr het die afgelope week by die Absa KKNK in Oudtshoorn aan Rapport gesê mense in die land praat by mekaar verby; koel koppe is nou nodig.
“Na aanleiding van die opswepende aard van Malema se opruiende uitsprake hoor mens van mense wat meen hy kan ’n teiken wees uit wraak op die moord op die AWB-leier, mnr. Eugène Terre’Blanche.
“Sulke mense moet besef dit kan dalk soos poetic justice voel, maar geregtigheid kan dit nooit wees nie.”
Hy het terselfdertyd ’n sterk beroep gedoen vir leierskap van die regering en die ANC.
“Dis tyd om te sê dat opoffering en selfbeheersing nie net van een kant kan kom nie. Daar is al 3?368 boere en plaaswerkers vermoor.
“Dis tyd om te sê die vloer is Malema en pres. Jacob Zuma s’n.”
Hofmeyr het benadruk dit is nie ’n tyd vir enigeen om moed te verloor oor Suid-Afrika se toekoms nie.
“My voortgesette besluit om nie te emigreer nie is die teken van my vertroue in die land en sy mense. Ek glo in ons Suid-Afrikaners. Maar dit is absoluut noodsaaklik dat ons regering die regte ding begin doen.
“Dit is vir die regering – die huidige regering, geen ander regering nie – se vermoë om die regte ding te doen dat ek ja gestem het in 1992 se referendum; iets waarop ek trots is.
“Mens soek nie die Vierkleur terug voor die Uniegebou nie, maar jy wil ook nie hê die sondes van die vadere moet gebruik word as ’n tou om die kinders mee op te hang nie.
“Dis miskien tyd dat ons ’n lys van 20 dinge opstel waarvoor wit mense werklik om verskoning moet vra, en 20 dinge vir swart mense, en 20 vir bruin mense.
“Wat ons nie kan bekostig nie, is dat dit so lank neem vir wonde om te genees soos ná die Anglo-Boereoorlog.
“Iewers moet ons ’n streep deur die verlede trek.”
- Rapport
