Jub Jub: vervolger meng in
2010-03-25 22:50
Adv. Menzi Simelane
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Sonja Carstens en Daniëlla du Plooy
’n Hoofstaatsaanklaer is van sy pligte onthef nadat hy geweier het om adv. Menzi Simelane, hoof van die nasionale vervolgingsgesag (NVG), se opdrag uit te voer om nié borgtog vir die musikant Jub Jub teen te staan nie.Adv. André (Lampies) Lambrecht (60), hoofstaatsaanklaer van die Wes-Rand, het die opdrag drie keer gekry. Adv. Gladstone Maema, waarnemende Gautengse direkteur van openbare vervolging (DOV), het Lambrecht twee keer gebel om te sê Simelane het die opdrag gegee. Maema het dié opdrag ’n derde keer in persoon aan Lambrecht herhaal. Lambrecht het geweier om die opdrag uit te voer tensy hy dit op skrif ontvang, maar hy het nie so ’n skriftelike opdrag ontvang nie.Lambrecht het nie op Simelane se opdrag gereageer nie en die staat het Jub Jub se borgtog wel teengestaan.Landdros André Auret het Vrydag borgtog van R10 000 aan Jub Jub (Molemo Maarohanye) toegestaan. Hy staan tereg op aanklagte van moord nadat hy in ’n ongeluk ná ’n jaagtog in Soweto betrokke was waarin vier skoolseuns dood is.Jub Jub is ’n dag voordat sy borgtogaansoek sou begin, in aanhouding besoek deur mnr. Julius Malema, president van die ANC-jeugliga.Maema het Dinsdag ’n brief aan Lambrecht gegee waarin hy van sy bestuurspligte onthef en aangesê word om as aanklaer in die hof te werk. Geen redes is daarvoor verstrek nie. Lambrecht is die afgelope tien jaar hoofaanklaer aan die Wes-Rand. Die aanklaers van onder meer Krugersdorp, Soweto, Randfontein en Roodepoort ressorteer onder hom. Landdros Gert Jonker, hooflanddros van Johannesburg, het by navraag gesê die hofbestuur is gisteroggend ingelig dat Lambrecht van sy bestuurspligte onthef is. “Ek is geskok. Hy was ’n uiters bekwame hoofaanklaer.”Mnr. Manie de Clercq, adjunkhoofbestuurder van die Public Servants Assosiation (PSA), het gesê die saak is by dié staatsdiensvakbond aangemeld. Die vakbond gaan ingevolge die Arbeidswet stappe doen om Lambrecht by te staan in die “onbillike behandeling” wat hy van sy werkgewer ontvang het. Lambrecht se demovering kom sonder dat enige tugstappe teen hom gedoen is.Adv. Jan Henning SC, gewese adjunkhoof van die NVG, het Lambrecht beskryf as “een van die pilare wat die vervolgingsgesag in die laer howe regop hou”.“As dit (wat gebeur het) so is, is dit ’n growwe belediging vir iemand wat dit glad nie verdien nie en teenoor iemand wat ’n baie groter bydrae tot regspleging gelewer het as diegene wat besluit het om hom van sy bestuurspligte te onthef.”Toe Maema om kommentaar genader is, het hy gesê Lambrecht se “skuif” het niks met die Jub Jub-saak te doen nie.“Dis deel van ons strategie om dié mense met kennis na die laer howe te skuif omdat ons hulle daar nodig het en groot sake toenemend in laer howe voorkom. Dis iets waaraan ons al lank beplan. Drie ander mense (in soortgelyke posisies) is ook op dieselfde dag na laer howe geskuif.”Volgens Maema is die besluite rondom die skuiwe geneem nog voordat borgtog in die Jub Jub-saak toegestaan is.Hy het erken hy het met Lambrecht oor die Jub Jub-saak en die toestaan van borgtog gepraat, maar gesê die twee kwessies hou glad nie met mekaar verband nie. “As DOV moet ek kwessies soos dié (toestaan van borgtog en die aanklagte teen Jub Jub) bespreek. Ons het dit ook gedoen en ek het die besluit aan Simelane deurgegee.”Lambrecht wou nie kommentaar lewer nie.
Adv. Menzi Simelane
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Sonja Carstens en Daniëlla du Plooy
’n Hoofstaatsaanklaer is van sy pligte onthef nadat hy geweier het om adv. Menzi Simelane, hoof van die nasionale vervolgingsgesag (NVG), se opdrag uit te voer om nié borgtog vir die musikant Jub Jub teen te staan nie.Adv. André (Lampies) Lambrecht (60), hoofstaatsaanklaer van die Wes-Rand, het die opdrag drie keer gekry. Adv. Gladstone Maema, waarnemende Gautengse direkteur van openbare vervolging (DOV), het Lambrecht twee keer gebel om te sê Simelane het die opdrag gegee. Maema het dié opdrag ’n derde keer in persoon aan Lambrecht herhaal. Lambrecht het geweier om die opdrag uit te voer tensy hy dit op skrif ontvang, maar hy het nie so ’n skriftelike opdrag ontvang nie.Lambrecht het nie op Simelane se opdrag gereageer nie en die staat het Jub Jub se borgtog wel teengestaan.Landdros André Auret het Vrydag borgtog van R10 000 aan Jub Jub (Molemo Maarohanye) toegestaan. Hy staan tereg op aanklagte van moord nadat hy in ’n ongeluk ná ’n jaagtog in Soweto betrokke was waarin vier skoolseuns dood is.Jub Jub is ’n dag voordat sy borgtogaansoek sou begin, in aanhouding besoek deur mnr. Julius Malema, president van die ANC-jeugliga.Maema het Dinsdag ’n brief aan Lambrecht gegee waarin hy van sy bestuurspligte onthef en aangesê word om as aanklaer in die hof te werk. Geen redes is daarvoor verstrek nie. Lambrecht is die afgelope tien jaar hoofaanklaer aan die Wes-Rand. Die aanklaers van onder meer Krugersdorp, Soweto, Randfontein en Roodepoort ressorteer onder hom. Landdros Gert Jonker, hooflanddros van Johannesburg, het by navraag gesê die hofbestuur is gisteroggend ingelig dat Lambrecht van sy bestuurspligte onthef is. “Ek is geskok. Hy was ’n uiters bekwame hoofaanklaer.”Mnr. Manie de Clercq, adjunkhoofbestuurder van die Public Servants Assosiation (PSA), het gesê die saak is by dié staatsdiensvakbond aangemeld. Die vakbond gaan ingevolge die Arbeidswet stappe doen om Lambrecht by te staan in die “onbillike behandeling” wat hy van sy werkgewer ontvang het. Lambrecht se demovering kom sonder dat enige tugstappe teen hom gedoen is.Adv. Jan Henning SC, gewese adjunkhoof van die NVG, het Lambrecht beskryf as “een van die pilare wat die vervolgingsgesag in die laer howe regop hou”.“As dit (wat gebeur het) so is, is dit ’n growwe belediging vir iemand wat dit glad nie verdien nie en teenoor iemand wat ’n baie groter bydrae tot regspleging gelewer het as diegene wat besluit het om hom van sy bestuurspligte te onthef.”Toe Maema om kommentaar genader is, het hy gesê Lambrecht se “skuif” het niks met die Jub Jub-saak te doen nie.“Dis deel van ons strategie om dié mense met kennis na die laer howe te skuif omdat ons hulle daar nodig het en groot sake toenemend in laer howe voorkom. Dis iets waaraan ons al lank beplan. Drie ander mense (in soortgelyke posisies) is ook op dieselfde dag na laer howe geskuif.”Volgens Maema is die besluite rondom die skuiwe geneem nog voordat borgtog in die Jub Jub-saak toegestaan is.Hy het erken hy het met Lambrecht oor die Jub Jub-saak en die toestaan van borgtog gepraat, maar gesê die twee kwessies hou glad nie met mekaar verband nie. “As DOV moet ek kwessies soos dié (toestaan van borgtog en die aanklagte teen Jub Jub) bespreek. Ons het dit ook gedoen en ek het die besluit aan Simelane deurgegee.”Lambrecht wou nie kommentaar lewer nie.
Simelane - ruling by default.
ReplyDeleteWhy did he not phone Lampbrecht personally?
The cockroach.....