Jeugleiers kritiseer Malema se Zim-besoek

Jeugleiers kritiseer Malema se Zim-besoek

2010-03-31 01:12
Philda Essop
Kaapstad – ’n Bedreiging vir die kommersiële landbou en ’n vermorsing van tyd en geld.Dít is wat politieke jeugformasies dink van die ANC-jeugliga se voorgenome besoek aan Zimbabwe.Die omstrede leier van die ANC-jeugliga, mnr. Julius Malema, lei Vrydag ’n afvaardiging na Zimbabwe waar hy pres. Robert Mugabe gaan ontmoet en onder meer nasionalisering sal bespreek. Ander lande wat om dieselfde rede deur Malema en ’n afvaardiging van sewe jeugliga-leiers besoek gaan word, sluit China, Chili, Kuba, Venezuela en Brasilië in.Mnr. Jan van Niekerk, jeugleier van die VF+, het in ’n verklaring sy kommer hieroor uitgespreek. Hy glo dit is nie in landsbelang nie. Dat Malema nasionalisering met Mugabe wil bespreek, “spreek boekdele” en stuur ’n “bepaalde boodskap” die wêreld in.“In die onseker ekonomiese tye waarin Suid-Afrika nou is, is dit juis die verkeerde stap om met ’n land te vergader waar die kommersiële landbou deur nasionalisering op sy knieë gedwing is.”Die VF+-jeug is uiters bekommerd dat die ANC bereid is om sy jeugvleuel toe te laat om in Zimbabwe en by Mugabe kers te gaan opsteek. “Indien Malema met sy besoek aan pres. Mugabe voortgaan, flikker die rooi ligte vir Suid-Afrika se landbou en die voortbestaan van kommersiële boere.”Mnr. Khume Ramulifho, DA-jeugleier, het by navraag gesê Malema en die regerende Zanu-PF van Zimbabwe is “bykans dieselfde”.“Goeie regering word op dieselfde vlak deur Zanu-PF en die ANC verstaan, omdat hulle dink daar is geen verskil tussen die staat en die regerende party nie. Die ANC-jeugliga gaan deur dié besoek net leer hoe om staatshulpbronne verder te verspil en hoe om onafhanklike staatsinstellings te vernietig,” het hy gesê.Ook mnr. Pitso Mphasha, PAC-jeugleier, dink dié reis is ’n vermorsing van geld.Hy glo nie die nasionalisering van die myne gaan gewone Suid-Afrikaners enigsins bevoordeel nie.“Dit sal net neerkom op die erkenning van diefstal. “Ons staan die sosialisering van die myne voor, ja. Dit beteken dat die myne aan die mense sal behoort en nie aan mense wat aan hulself tenders toeken en só erken dat hulle diewe is nie.”
- Volksblad

Beloftes maak skuld!

Beloftes maak skuld!

2010-03-30 21:53

Me. Rina Vrey (78) van Hermanstad in Pretoria oorhandig ’n armoede-verslag van Solidariteit Helpende Hand aan pres. Jacob Zuma.Foto: Jaco Marais
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Alet Rademeyer
Mooi beloftes, maar wanneer gaan ons iets daarvan sien?Dít was gister die reaksie van verskeie arm inwoners van wit informele nedersettings wat pres. Jacob Zuma by Bethlehem in die weste van Pretoria ontmoet het.Me. Rina Vrey (78), inwoner van Uncle Ben’s Den, ’n versorgingsoord in Hermanstad, het vier maande gelede vir die heel eerste keer ’n ouderdomspensioen gekry nadat dit aanvanklik twee keer afgekeur is. Sy is onder meer meegedeel dat haar lêer weggeraak het.Sy het gister die armoede-verslag aan Zuma oorhandig.Sy het gesê: “Ek is nie iemand vir die politiek nie. Ek bly maar net hoop en bid dat dinge sal regkom.“Ek hoor al die dinge wat die president en sy mense sê, maar ek dink dinge loop verkeerd in daardie kantore waar ons in lang toue moet gaan staan en dan weggewys word.“Dit lyk my dit haak dáár vas, want van daar af is daar niemand hoër op wat jou kan of wil help nie.”Me. Isabelle van Rensburg (61) van Elandspoort in Pretoria het ook gesê sy weet nie of Zuma iets sal regkry nie. “Ek is al drie maande sonder elektrisiteit en maak buite vuur.“Die stadsraad het die kabel afgesny. Elke keer wat ek gaan hulp vra, sê hulle ek moet eers R1 800 neersit. “Ons het dit nie, want nie een van ons werk nie.”Van Rensburg se agterstallige rekening beloop R8 700.Me. Susan van Niekerk (45) van Danville het oor Zuma en sy besoek gesê: “Ek dink hy is orraait , maar hy moet sy woord hou. Nou lyk dit nie of dit gebeur nie.”Van Niekerk bly saam met haar werklose suster en dié se seun en het ook nie elektrisiteit nie. “Ek kook maar op ’n jel-stofie.”Mnr. Dirk Hermann, voorsitter van Solidariteit Helpende Hand, het gesê dit is steeds polities onkorrek om oor wit armoede te praat, maar die tyd het aangebreek om die stilte daaroor te verbreek.Hy het verwys na ’n studie van die Umsobomvu Youth Fund verlede jaar waarin bevind is dat geen van die arm wit gemeenskappe enige hulp van die regering se 29?966 armoedeverligtingsprogramme kry nie.Hy het gesê maatskappye wat by sosiale verantwoordelikheidsprogramme betrokke raak moet nie punte kry op grond van die rasgroep wat hulle help nie.Dr. Danie Langner, uitvoerende hoof van Helpende Hand, het aan Zuma gesê hy het by sy eerste besoek hoop vir die mense gebring toe hy gesê het daar sal vir hulle hulp met elektrisiteit, behuising en basiese dienste wees.“Ek glo u sal geskok wees om te hoor dat sedert 2008 net 160 koskoepons uitgedeel is en dat dit te min is om 600 000 wit armes te oortuig die staat gee regtig om.”

Raaisel-moord op sakeman

Raaisel-moord op sakeman
2010-03-30 21:53
Magdel Fourie
Die grootbaas van ’n onderdele-kettinggroep is onder raaiselagtige omstandighede in ’n donker steeg in Parkwood, Johannesburg, in die kop geskiet.Die lyk van mnr. Peter Granat, besturende direkteur van Autozone-onderdelehandelaars, is eergister kort ná 22:30 in ’n groot plas bloed langs sy wit Toyota Land Cruiser in die Newportweg-dienssteeg gevind.Volgens sers. Bongi Mdletshe, woordvoerder van die Rosebank-polisiekantoor, is die skoot op ’n kort afstand van bo geskiet, so of Granat (63) op sy knieë gedwing is. “’n Saak van moord word ondersoek. “Die moontlikheid dat dit ’n mislukte rooftog was, word nie uitgesluit nie,” het hy gesê.Benewens Granat se selfoon word niks vermis nie.Granat se 9 mm-pistool, asook ’n sak met sy beursie en bankkaarte daarin was ná die aanval steeds in sy motor.’n Veiligheidswag wat die aand by ’n woonstelgebou daar aan diens was, het aan die polisie gesê hy het gesien hoe nog ’n motor Granat se Land Cruiser in die steeg agtervolg.Albei voertuie het glo stilgehou en Granat het vermoedelik uit sy motor geklim, waarna sy aanvallers uit die motor agter hom geklim het.Sekondes later is Granat met ’n enkele skoot doodgeskiet, het Mdletshe gesê.By die polisie se aankoms op die toneel was daar duidelike bloedmerke aan die buitekant van die Land Cruiser.Daar was geen bloedvlekke binne die voertuig nie.“Ons vermoed hy het dalk van buite sy motor sy vuurwapen probeer bereik waarna sy aanvallers hom geskiet het,” het Mdletshe gesê. ’n Inwoner van ’n woonstel enkele meter van waar Granat geskiet is en nie sy naam genoem wil hê nie, het aan Beeld vertel hulle het kort ná 22:00 ’n “struweling” buite in die steeg gehoor.Daarna het ’n enkele vuurwapenskoot afgegaan.Sekondes later het motordeure geklap en hy kon hoor hoe ’n motor teen ’n vinnige spoed wegtrek, het die man vertel.Me. Taryn Cohn, ’n naburige inwoner, het vertel sy het omstreeks middernag in die steeg by die moordtoneel verbygery.Die lyk was teen dié tyd al bedek.Papiere wat na kantoordokumente gelyk het, was oral in die pad gestrooi. “En daar was baie bloed. “Die hele pad was vol bloed,” het Cohn vertel.Mnr. Derick Lappin, finansiële hoof van Autozone, het gesê Granat was langer as tien jaar besturende direkteur van die maatskappy.Die maatskappy wou nie verdere kommentaar lewer nie.“Hy was ’n baie private man,” het Lappin bygevoeg

Ma verkrag; seun moet kyk

Ma verkrag; seun moet kyk
2010-03-30 21:53
Sonja van Buul
’n Jong man is in die Vaaldriehoek gedwing om toe te kyk hoe vier mans sy ma om die beurt verkrag.

Die vrou (39), haar man en hul 22-jarige seun was Sondag om 02:00 van Kragbron, naby Sasolburg, op pad na hul huis in Holy Country toe hul motor onklaar het.

“Die vrou het saam met haar seun in die rigting van hul woonplek gestap om iemand te vind wat hulle kan help om die motor na die huis te sleep,” het me. Fikiswa Matoti, polisiewoordvoerder, gister gesê.

“Vier mans wat hulle onderweg teëgekom het, het die seun vasgehou en gedwing om toe te kyk terwyl sy ma na bewering om die beurt deur die mans verkrag is.”

Volgens Matoti het die vrou gesê sy sal net een van haar vier verkragters kan uitken.

Die polisie het mense met inligting gevra om konst. Johannes Kambule by 073 586 6495 te bel.

“Ons pleit dat mense met inligting vorendag kom wat kan lei tot die inhegtenisneming van al vier die mans wat agter dié wrede verkragting sit,” het Matoti gesê.

Oupa takel drie ondanks sy wonde

Oupa takel drie ondanks sy wonde

2010-03-31 08:25

Mnr. Dawie Meintjies (85) en sy lewensmaat, me. Maria de Beer (81), van Soutpansdrift in Noordwes het 'n gewapende plaasaanval oorleef, al is hulle albei raak geskiet.
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Virginia Keppler’n 85-jarige oupa van Soutpansdrift in Noordwes het drie gewapende rowers met sy kaal vuiste toegetakel om sy lewensmaat te beskerm, selfs nadat hulle hom raak geskiet en met ’n mes gesteek het.Mnr. Dawie Meintjes en sy lewensmaat, me. Maria de Beer (81), is eergisteroggend om 01:00 in hul woning op ’n plaas sowat 14?km buite Brits op die Thabazimbi-pad oorval. De Beer is deur die skrapnel van ’n koeël op drie plekke in haar regterbeen getref en ’n lid van Meintjes se linkerpinkie is weggeskiet. Hy is ook in die arm met ’n mes gesteek.Kort voor die voorval het Meintjes se alarm afgegaan waarna sy seun, Jannie (60), ondersoek ingestel het. “Die veiligheidsmense het dadelik gebel, maar nadat ek seker was daar is niemand in die huis nie, het ek gesê hulle hoef nie uit te kom nie,” vertel Meintjes jr. Hy is terug na sy kamer waar hy en sy vrou, Mariaan (53), eers ’n “skuif” en toe ’n “doef-geluid” gehoor het.Intussen het De Beer badkamer toe gegaan toe sy ’n indringer gewaar waar hy besig was om ’n TV uit te dra. ’n Ander man het ’n pistool op haar gerig en haar gewys om terug in die kamer te gaan.Toe die rowers agter haar die kamer instap het Meintjes sr. na sy rewolwer onder sy kussing gegryp. “Een rower het dadelik ’n skoot in die matras gevuur waarna ouma se bene deur die skrapnel getref is. Kort daarna het ’n tweede skoot geklap en is my pa se pinkie raak geskiet,” vertel Meintjes jr.“Jannie, kom help! Die donners het ons geskiet!” het Meintjes sr. aan sy seun geskreeu. “Terwyl ek gehardloop het om te gaan help, het my vrou die noodknoppie gedruk. Toe ek by my pa se slaapkamer kom was die rowers almal weg.”Me. Loanne Louw, De Beer se kleindogter, sê die skrapnel is by die Medi-Clinic-hospitaal op Brits tydens ’n operasie uit haar ouma se been verwyder. Sy het gesê Meintjes sr. is ook tydens ’n operasie vir sy skietwond behandel. “Verder het hy die meswond in sy arm en baie krapmerke en blou kolle oor sy liggaam,” vertel Louw.Meintjes jr. sê die aanvallers het die kombuisdeur oopgebreek om toegang tot die huis te verkry. Hulle het daarna met sy pa se vuurwapen en selfoon, ’n skootrekenaar, Meintjes jr. se beursie en ’n TV-stel gevlug. Kapt. Thabo Makhafola, polisiewoordvoerder, sê die polisie ondersoek die voorval.- ’n Week gelede is mnr. Koos van Staden (60), ’n groenteboer van die Kleinfontein-distrik in Brits in Noordwes, in sy slaapkamer doodgeskiet terwyl hy gespook het om sy vrou, Heleen (57), teen boewe te beskerm.

AfriForum lê beslag op Zim-eiendom

AfriForum lê beslag op Zim-eiendom

2010-03-31 01:12

Marelize Potgieter
Kaapstad – ’n Oorwinning is gister deur die burgerregtegroep AfriForum gevier met die beslaglegging op ’n eiendom van die Zimbabwiese regering in Kenilworth van sowat R2 miljoen. Dit volg op ’n maande lange regstryd voor die SAOG-tribunaal wat deur AfriForum namens boere in Zimbabwe gevoer is om te bewys dat die Zimbabwiese regering se grondhervormingsprogram rassisties en onwettig is.Die tribunaal se uitspraak dat daar op die Zimbabwiese eiendom beslag gelê mag word, is in die Noord-Gautengse hooggeregshof geregistreer. ’n Kostebevel van R150?000 ten gunste van AfriForum is ook deur die SAOG-tribunaal uitgereik. Volgens mnr. Willie Spies, prokureur van AfriForum, beoog hulle om op nog drie eiendomme van die Zimbabwiese regering in onderskeidelik Kuyperstraat 53 en 55 in Zonnebloem en Tennantstraat 46A in Wynberg beslag te lê. Die regsprosesse vorm deel van AfriForum se burgerlike veldtog teen Zimbabwe.Spies het gister self die dokumente van beslaglegging na die woning in Salisburyweg 28 gevat.Die woning word tans deur ’n mnr. Gavin Benny gehuur. Hy sal nie gevra word om dit te ontruim nie.Nadat die SAOG-tribunaal in 2008 in die guns van mnr. Michael Campbell en nog 78 Zimbabwiese boere wat van hul plase afgesit is, beslis het, het pres. Robert Mugabe die uitspraak afgemaak as “snert en van geen betekenis” vir Zimbabwe nie. In Junie 2009 het die tribunaal dié uitspraak met ’n uitspraak van minagting en ’n kostebevel opgevolg.Dit is in Februarie vanjaar in die Noord-Gautengse hooggeregshof in Pretoria geregistreer, wat die kostebevel plaaslik uitvoerbaar gemaak het.Volgens Spies is dit ’n simboliese oorwinning vir die mense van Zimbabwe wat alle hoop verloor het.“Dit demonstreer die beginsel van regverdigheid.”Volgens mnr. Moreboys Mune-tsi, ’n verteenwoordiger van die Zimbabwiese Stigting vir Billikheid en Geregtigheid, wat ook die beslaglegging bygewoon het, steun die stigting die projek van AfriForum.“Dit wys dat die Zimbabwiese regering sy grondwetlike plek as ’n ontwikkelende nasie verloor het.”
- Volksblad

Oud-hoof (80) in haar woonstel keelaf gesny

Oud-hoof (80) in haar woonstel keelaf gesny

2010-03-31 07:24

Verwante skakels
Plaasvrou koelbloedig vermoor
Bejaarde vermoor in rooftog
Man wat glo Ikeys-student vermoor in hof
Linda de Beer, Beeld.Johannesburg - ’n Bejaarde oudhoof van die Hoër Meisieskool Hugenote in Springs, is met haar keel afgesny in haar woonstel in Potchefstroom gekry.Dr. Hilda Kotzé, wat op 19 Maart haar 80 geword het, se hande en knieë was met ’n vadoek vasgebind waaroor kleefband geplak was.Sy is in ’n sit/hurkposisie langs haar bed gekry met die enkele snywond aan haar keel, het kapt. Adéle Myburgh, polisiewoordvoerder in Noordwes, gesê.’n Aanryete-afleweraar van Potchefstroom se dienssentrum vir bejaardes het op Kotzé se lyk in die Siesta-woonstelle op die hoek van Retief- en Walter Sisulustraat afgekom. Sy was in slaapklere en ’n kamerjas geklee.Die afleweraar het volgens Myburgh onraad gemerk toe die ete wat hy die vorige dag afgelewer het nog voor die deur gestaan het. Die deur was nie gesluit nie.Antoinette Christiani, opsigter van die woonstelle, het gesê Kotzé het langer as tien jaar daar gebly.Sy was ’n stil, private mens en “hoogs geleerd”. Sy het verlede jaar nog ’n onderskeiding behaal in ’n Latyn-eksamen.Die moord is waarskynlik die naweek gepleeg. Die moordenaar/s het moontlik toegang tot die woonstel gekry deur ’n deur wat nie gesluit was nie.Die polisie ondersoek ook ’n saak van huisroof, hoewel dit nog moeilik was om te bepaal wat uit die woonstel vermis word, het Myburgh gesê.Kotzé word oorleef deur twee broers, Len en Sakkie. - Beeld
Lees meer oor: misdaad moorde

‘Verbod op Skiet die Boere is nie afdwingbaar’

‘Verbod op Skiet die Boere is nie afdwingbaar’

2010-03-31 06:52
Verwante skakels
ANC gaan hof toe oor 'Skiet die boer'
Boere-moordlied glo verban
OD: Los Boere-moordlied verbod
Daniëlla du Plooy
Johannesburg - Die hofuitspraak wat bepaal die omstrede frase “dubulu ibhunu” (“Skiet die Boere”) is onwettig en ongrondwetlik, is “onafdwingbaar en onuitvoerbaar”, het die ANC Dinsdag gesê.Gwede Mantashe, sekretaris-generaal van die ANC, het op ’n nuuskonferensie hier aangevoer die hofsaak is “só gereël om ’n sekere uitspraak te kry”.Hy hoop nie daar is ’n poging aan die gang om Julius Malema, ANC-jeugleier, te teiken nie, het hy gesê.“Dít ten spyte van die irritasie wat hy dalk by ons kan veroorsaak.”Waarnemende regter Leon Halgryn het verlede week in die Suid-Gautengse hooggeregshof bevind dit is onwettig en ongrondwetlik om die frase te sê of te publiseer.Willem Harmse, ’n sakeman van Delmas, het aansoek gedoen om ’n interdik om te verhoed dat sy kollega, Mohammed Vawda, die woorde op plakkate gebruik tydens ’n beplande optog teen misdaad.Albei mans behoort aan die organisasie die Kantoor vir die Beskerming van die Grondwet.Mantashe het gesê die ANC vind dit “vreemd” dat die twee mans van dieselfde organisasie is.“Hulle is hof toe met ’n voorafbeplande uitspraak in gedagte en het dit net daar gaan formaliseer.”Volgens hom het Harmse nie die “konteks” van die lied in ag geneem nie. “Boonop is die frase nie net in een struggle-lied nie, maar talle. ’n Mens kan nie dit alles ophou sing nie.”Die ANC gaan teen die uitspraak appelleer. Mantashe het gesê politici moet Malema nie teiken nie.Die regerende party gaan hom daarom tot die gelykheidshof wend in ’n poging om te bewys die VF+ se “Stop Malema”-veldtog en die gepaardgaande “Vervolg Malema”-plakkate is haatspraak.Volgens Mantashe is die ANC ook bekommerd oor die PAC- jeugliga se uitsprake dat Malema in óf ’n hospitaal óf ’n lykshuis gevind sal word.“Nie net is dit haatspraak nie, maar ’n openbare verklaring van die bedoeling om te moor.”- Die Burger
Gee jou mening oor hierdie gesprek - lewer hieronder kommentaar
Lees meer oor: haatspraak julius malema

Ontploffing beskadig SAA-kantore

Ontploffing beskadig SAA-kantore

2010-03-31 05:39

Verwante skakels
Gaslekkasie het ontploffing veroorsaak
Een beseer in JHB-ontploffing
Sewe beseer na ontploffing in restaurant
Johannesburg – ‘n Ontploffing het Dinsdag die kantore van SA Airways in Maputo, Mosambiek beskadig.Volgens Vimla Maistry, woordvoerder van SAA was die ontploffing omstreeks 14:00 buite die kantore gehoor. “‘n Venster van die lugredery se kantore in die Sommerschield-omgewing het gebreek, en twee sekuriteitskameras is ook beskadig,” het sy gesê. “Ons personeel het aan skok gelei en was huistoe gestuur.”Niemand het beserings opgedoen nie.Volgens Maistry is die lugredery nog nie seker wat die ontploffing veroorsaak het nie.Die polisie in Maputo was nie onmiddellik vir kommentaar beskikbaar nie. - Sapa
Lees meer oor: ontploffing

Edwill van Aarde in sy huis oorval

Edwill in sy huis oorval

2010-03-29 21:45

Edwill van Aarde, voormalige radio-omroeper en TV-aanbieder, beduie hoe hy gister in sy huis in Krugersdorp deur ’n rower oorval is. Die kennisgewing aan die deur is daar om aan te dui dat daar ’n alarm in die huis is. Die alarm het die rower uiteind
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Magdel Fourie
Edwill van Aarde (71), voormalige radio-omroeper en TV-aanbieder, is gister in sy huis in Krugersdorp oorval en aangerand.In sy swakheid het hy probeer terugbaklei, maar gou besef die rower is “te jonk en sterk”, het die voormalige sportkommentator en aanbieder van die vasvraprogram Flinkdink, gister in trane vertel.“Ek het net geweet ek kan nie. Ek kan níks doen nie.”Van Aarde se vrou, Piena (67), was net weg winkel toe toe hy omstreeks 11:30 ’n geraas by die kombuisdeur gehoor het. Die Van Aardes woon al 37 jaar in die huis.By die kombuisdeur het hy ’n skraal, jong man aan die veiligheidshek sien werk. Die man het aan hom gesê mev. Van Aarde het hom gestuur om die slot te herstel.Die man het ’n tuinvurk, ’n geroeste vyl en moersleutel by hom gehad.“Toe ek hom vra waar my vrou is, het hy gesê sy is in die motorhuis by haar geel motor – sy is op pad. En toe dink ek maar sy rý ’n geel motor,” het Van Aarde vertel.Hy het die deur toe oopgesluit.“Toe slaan hy my plat. Hy het my toe aan my voete in die gang afgesleep en my heeltyd geskop en geslaan,” het ’n geskokte Van Aarde vertel.Hy het aanvanklik probeer terug- baklei, maar gou gevoel hy het nie die krag nie. Die mes in die rower se hand het hom ook afgeskrik.Toe die rower hom tot by sy slaapkamer gesleep het, het Van Aarde regop gebeur.Die rower het laaie en kaste in die slaapkamer omgekeer en sowat 30 juwelekissies in ’n sak geprop.Die Van Aardes het dié kosbare juwele in die kissies tydens oorsese reise in stede soos Parys, Londen en Wene gekoop.“Dit is onvervangbaar. Ons sal nóóit weer oorsee gaan nie,” het Van Aarde vertel.Die rower het ook Van Aarde se kamera en verkyker gebuit.“Ek het so mooi gevra dat hy nie my kamera vat nie, want daar’s foto’s van my kleinkinders en hondjies op.” Die egpaar se geliefde honde is kort gelede weens ouderdom dood.Terwyl die rower besig was met sy plundertog het Van Aarde die noodknoppie gewaar en daarin geslaag om dit in die hande te kry.Al het hy besef hy waag ’n groot kans, het hy dit nogtans gedruk.Toe die alarm begin loei, het die rower “net ’n vloekwoord gegee” en gevlug.“Wat ek nooit sal vergeet nie, is die kyk in sy oë. Aan die begin het hy nog vriendelike geselsies gemaak. Maar toe hy eers inkom, was daar net haat in sy oë.”Die polisie en ’n paramedikus was kort ná die voorval op die toneel om na Van Aarde, wat oor borspyn?gekla het, om te sien.“Ek is maar verpletter. Ek het darem nie letsels in my gesig nie, maar ek het erge lyfseer. Tog is ek dankbaar ek het nie seerder gekry nie,” het Van Aarde gesê.Dié aanval moet as voorbeeld vir ander dien, meen hy.“’n Mens kan nooit oorversigtig wees nie, al is dit helder oordag.”Dié aanval is uitgevoer enkele weke voordat ’n konsert ten bate van Van Aarde op 21 April gehou word. Verskeie kunstenaars, onder wie Steve Hofmeyr, gaan in die konsert optree. Hofmeyr het hom ná die voorval woedend uitgespreek oor aanvalle op weerlose kinders en bejaardes.“Hy is regtig ’n goeie vriend van my – ’n ou man, lamgelê deur ongesondheid, wat homself nie kan verdedig nie. Dit is trágies,” het Hofmeyr gesê.

Nkwinti gaan te ver, sê Dr Theo de Jager

Nkwinti gaan te ver, sê

2010-03-30 01:26
Sarel van der Walt
Pretoria – Die uitlatings van mnr. Gugile Nkwinti, minister van grondsake en landelike ontwikkeling, dat boere die blaam sal dra “vir ’n situasie heel moontlik erger as Zimbabwe” as hulle nie met die regering saamwerk nie, is verregaande.
Só het dr. Theo de Jager, vise-president van Agri SA, gistermiddag in Muldersdrift op ’n grondkonferensie van die Suider-Afrikaanse konfederasie van landbou-organisasies (Sacau) oor Nkwinti se uitlating op ’n eNews-program gesê.
“Boere wat al in 2001 as vrywillige verkopers in grondeise soos dié in Mooketsi (Limpopo) na vore getree het, wag ná nege jaar nog om weer van die minister se departement te hoor.”
“Verlede week het boere uit die Onderberg (in die Mpumalanga-Laeveld) wat hul plase in 1999 aangebied en in 2007 aanbiedinge aanvaar het, meer as sewe uur lank op die provinsiale grondeisekommissaris, me. Thumi Seboka, vir ’n vooraf-bevestigde afspraak gewag.
“Hulle het onverrigter sake teruggekeer, omdat sy glo ‘te moeg was’ om aan hul transaksie aandag te gee,” het de Jager gesê.
Hy het ook gesê Nkwinti se departement se baanrekord is niks om op trots te wees nie.
Die departement se mislukkings lê soos slagvelde oor die land heen.
“Die minister het verlede week met sy begrotingsdebat in die parlement self erken dat meer as 90% van alle grondhervormingsprojekte in duie gestort het. Hy het ook gesê die resultate het almal in Suid-Afrika teleurgestel.
“Byna al die opposisiepartye het in reaksie op sy begrotingstoespraak na die onbevoegdheid van ­– en die korrupsie ­– onder van sy amptenare verwys as die vernaamste struikelblok vir grondhervorming,” het De Jager gesê.
“Agri SA het ’n omvattende voorstel aan hom oorhandig oor hoe uit die huidige situasie gekom kan word sonder om onherstelbare skade aan landboubeleggings en voedselsekerheid in die land te berokken.
“In dié voorstel is die minister uitgedaag om ’n deurtastende wetenskaplike ondersoek te doen na die kragte wat grondhervorming laat sloer, grondpryse opjaag, en miljarde rande in sy departement verlore laat gaan,” het De Jager gesê.
“As die minister enige vertroue in sy senior amptenare en adviseurs, of in sy eie beskuldigings het, is daar mos niks wat hom sal laat huiwer om só ’n onafhanklike ondersoek te laat doen nie.”
- Volksblad

Steve Hofmeyr kyk rower in oë....

Steve kyk rower in oë

2010-03-29 21:45

Magdel Fourie
Die sanger Steve Hofmeyr het eergisteraand vanuit sy motor in die deurrit van ’n KFC gesit en aanskou hoe ’n rowerbende dié kitskosrestaurant in Kayalami met ’n AK47-aanvalsgeweer beroof.“Die een ou het 2 m van my af gestaan en my in die oë gekyk. Ek sê toe net vir my kinders om plat op die agtersitplek te gaan lê,” het hy gister aan Beeld vertel.Hy, sy vriendin me. Suné Meyer en sy twee seuns by die aktrise Natasha Sutherland, Sebastian (8) en Benjamin (6), het dié aand pas vir hul bestelling in die KFC-deurrit by die Kayalami-sakepark (Business Park) betaal, toe Hofmeyr die ses rowers by die restaurant sien inbars.Een het ’n AK47 by hom gehad.Hulle het toe glo die klante en KFC-werknemers beveel om op die grond te lê en die vuurwapens teen hul koppe gehou.Supt. Steven Moodley, kommissaris van die Midrand-polisiekantoor, het gesê benewens die AK47, was die ander vyf rowers met pistole gewapen.“Ek het dadelik vir die meisies jammer gevoel, hulle was skoon bleek geskrik,” het Hofmeyr vertel.Toe Hofmeyr deur die venster kyk, het hy reg in die oë van een van die rowers gekyk.In doodse stilte, sonder ’n enkele woord of ’n skoot, het die rowers daarna die kasregisters en die kluis leeggemaak.Toe hulle daarna in ’n wit Bantam-bakkie buite die KFC spring en wegry, het Hofmeyr dadelik agterna gery.Die bakkie was sonder nommerplate.“Ek het vir sowat 3 km op ’n veilige afstand agter hulle gebly en gehoop ek sien polisie langs die pad. Maar iewers het ek net besef ek kan niks doen nie.”Nadat hy die polisie se noodnommer gebel het, is hy weer huiswaarts.“My kinders het nogtans maar slég geslaap gisteraand.”Moodley het gesê ’n saak van sakeroof word ondersoek.

Soustrein stoom voort...Nie eers Noord

Soustrein stoom voort

2010-03-29 01:22

Rajaa Azzakani
Kaapstad - Ministers se spandabelheid en voorliefde vir luukse motors het nou laer af weerklank gevind met die departement van landelike ontwikkeling en grondsake wat vier Audi Q7’s teen sowat R2,4 miljoen aangeskaf het.Hierdie voertuie is verlede jaar aangeskaf om dieselfde werk te doen as waarvoor bakkies van minder as R150?000 en Ford Fiestas (teen R122?500 elk) voorheen aangeskaf is, blyk uit ’n antwoord op ’n parlementêre vraag van die DA.Mnr. Gugile Nkwinti, minister van dié departement, het in sy antwoord gesê dié motors is verlede jaar aangeskaf en die doel daarvan is “logistieke steun in die uitvoering van pligte en dienslewering, insluitend (maar nie beperk tot) projekbestuur, beplanning, restitusie, grondhervorming en alle administratiewe en finansiële ondersteuningsdienste”.Dit stoot die regering se vermorste uitgawes, soos deur die DA gemonitor, op tot meer as R1?miljard oor net ’n jaar.Mnr. Mpowele Swathe, DA-woordvoerder oor landelike ontwikkeling en grondhervorming, het gesê die R1?miljard kon gebruik gewees het om 1?851 Hop-huise te bou.“Dit is verbluffend hoe die departement dit goed kon vind om vier luukse motors teen bykans R2,4 miljoen aan te skaf terwyl daar goedkoper opsies beskikbaar is,” het Swathe bygevoeg.Dié nuutste vermorsing kom nadat verskeie ministers voorheen onder fel kritiek deurgeloop het oor hul spandabelheid met duur ampsmotors terwyl die land deur ’n erge ekonomiese resessie gegaan het.Genl. Siphiwe Nyanda, minister van kommunikasie, se voertuie – twee BMW 750i-modelle – het belastingbetalers meer as R2,1 miljoen gekos. Daarbenewens is nog R150 000 aan luukse toebehore vir dié motors bestee.Hoewel me. Angie Motshekga, minister van basiese onderwys, se aankope effens minder was teen altesaam R1,7 miljoen – vir ’n Range Rover Sport en ’n BMW 730D – is ook sý gekap omdat dié voertuie haar basiese behoeftes verreweg oorskry.Dr. Blade Nzimande, minister van hoër onderwys en sekretaris-generaal van die SAKP, het ’n BMW 750i van R1,1 miljoen aangeskaf.Daarenteen het mnr. Pravin Gordhan, minister van finansies, wat staatsdepartemente geruime tyd reeds maan teen onverstandige besteding, sy woord gestand gedoen en net onder R1,15 miljoen aan sy twee voertuie (’n Lexus en ’n Audi A6) bestee.“Die departement van landelike ontwikkeling kan dit nie bekostig om geld te mors op buitensporighede terwyl hy deur ’n betalingsagterstand van meer as R6?miljard vir uitstaande grondeise in die gesig gestaar word nie,” het Swathe bygevoeg.
- Die Burger

Mosambiek nog vol landmyne

Mosambiek nog vol landmyne

2010-03-28 22:21
Sapa
Vyftien mense is verlede jaar in landmynontploffings in Mosambiek dood.Volgens mnr. Julio Braga, hoof van dié land se nasionale ontmyningsagentskap, is hulle bekommerd oor die sterftes wat nog deur landmyne veroorsaak word. Die myne is geplant tydens die 16 jaar lange burgeroorlog wat in 1992 tot ’n einde gekom het. Mosambiek het onlangs aangedui dat hy nie uitvoering sal kan gee aan die bepalings van die Ottawa-konvensie wat in 1999 onderteken is nie en waarvolgens die landmyne binne tien jaar verwyder moes word.

Aarto kan derduisende sonder rybewys laat

Aarto kan derduisende sonder rybewys laat

2010/03/28 03:50:00 AM Antoinette Slabbert
Verwante artikels
Verkeerswet-kopsere só getakel
Dis hoe nuwe tolpaaie werk
Vakverbond tree op teen verkeersoortredingstelsel

;Hoofberigte
Bierbrouers begin groot oorlogMar 28 2010 03:55
Dit is nou oorlog in die plaaslike biermark nadat SABMiller dié week die eerste keer in baie jare ’n behoorlike mededinger gekry het.
Aarto kan derduisende sonder rybewys laatMar 28 2010 03:50
Die owerheid sou sedert April verlede jaar byna 40 000 motoriste se rybewyse opgeskort het as die strafpuntstelsel vir verkeersoortredings in Johannesburg gegeld het.
Quo vadis, Trevor Manuel?Mar 28 2010 03:50
Voorstanders van ’n linksgesinde benadering tot ekonomiese ontwikkeling het die week op die oog af ’n belangrike sege behaal met die aanstelling van ’n swaargewig-adviesraad deur mnr. Ebrahim Patel, minister van ekonomiese ontwikkeling.

Pretoria. - Die owerheid sou sedert April verlede jaar byna 40 000 motoriste se rybewyse opgeskort het as die strafpuntstelsel vir verkeersoortredings in Johannesburg gegeld het.
Só sê ingeligte bronne wat uit vrees vir viktimisasie anoniem wil bly, maar bekommerd is oor die uitwerking wat dié beplande stelsel op die land se ekonomie kan hê.
Dié stelsel is deel van die Wet op die Administratiewe Beregtiging van Verkeersoortredings (Aarto) wat tans in Pretoria en Johannesburg getoets word.
Hiervolgens kry motoriste strafpunte vir verkeersoortredings en hulle verloor hul rybewys vir drie maande sodra hulle 12 punte het.
Tot dusver word strafpunte nog nie in dié twee stede toegeken nie.
Die wetgewing word egter later vanjaar landwyd van krag, met strafpunte en al.
Mnr. Jaco Kleynhans, woordvoerder van Solidariteit, sê dié syfer kan rampspoedige gevolge vir die ekonomie inhou. Die 40 000 mense is volgens hom waarskynlik ekonomies aktiewe mense wat die ekonomie aan die gang hou.
Volgens Sake24 se bron het die meeste van dié bestuurders hulle skuldig gemaak aan geringe oortredings soos dubbelparkering, waarvoor ’n punt op ’n slag toegeken is. Gou het die betrokke persoon 12 punte opgebou, wat beteken sy rybewys word vir drie maande opgeskort. Kleynhans sê baie bestuurders, soos afleweraars, kan nie anders as om dubbel te parkeer nie, omdat daar bloot nie genoeg parkeerplek beskikbaar is in die middestad nie.
Die vakbond gaan die kwessie met die regering bespreek en dit deur sy burgerregte-inisiatief, Afriforum, takel. Solidariteit se protes kom nadat die vakverbond Fedusa gesê het hy gaan die kwessie by die nasionale ekonomiese, ontwikkeling- en arbeidsraad (Nedlac) opper en vra vir ’n moratorium op Aarto.
In ’n verslag aan Johannesburg se burgemeesterskomitee wys die metropolisie op verskeie administratiewe probleme met Aarto-toepassing.
Die forum van metropolisiehoofde het in Augustus verlede jaar hul kommer in ’n memorandum aan die minister van vervoer te kenne gegee, glo met weinige gevolge.
Sake24 verneem dat hulle op 1 Julie Aarto, sonder die strafpunte, in die ander metrogebiede wil begin toepas en in November wil hulle die volle wetgewing met strafpunte landwyd begin toepas.
Die Johannesburgse burgemeesterskomitee het verneem die aanvoorprojekte is nog nooit hersien sodat daaruit geleer kon word nie.
Hulle word gewaarsku teen “yslike regsimplikasies vir alle betrokke partye” as voortgegaan word met die toepassing van die wet, terwyl alle meganismes en prosedures nie aan die wetlike vereistes voldoen nie.
Minstens een werkgewer-organisasie het glo al gedreig met hofstappe om die toepassing van Aarto in sy huidige formaat stop te sit.
“Dít kan lei tot ’n tydperk waarin die bestaande strafproseswet, asook Aarto, van nul en gener waarde sal wees nie.”

Menseregte in SA kwel FW-stigting

Menseregte in SA kwel FW-stigting

2010-03-29 01:22

Pieter du Toit
Kaapstad - Oudpres. F.W. de Klerk se Sentrum vir Grondwetlike Regte (SGR) meen die gevaarligte flikker helder vir verskeie menseregte, waaronder politieke regte.Die SGR sê in sy menseregte-rapport vir 2010 sommige regte verkeer onder toenemende druk vergeleke met ’n soortgelyke ontleding in 2009.Benewens die regte tot onderwys en gesondheidsorg, wat voortdurend onder druk is, is dit kommerwekkend dat politieke regte en die reg tot vryheid van spraak skynbaar ingeperk word.Die SGR beklemtoon die feit dat Suid-Afrika ’n veelparty-, grondwetlike demokrasie met volwasse stemreg, ’n gemeenskaplike kieserslys en gereelde verkiesings is.Tog is “die effektiewe beheer van sowel die wetgewende as die uitvoerende gesag in die hande van diegene wat die regerende party beheer. Dít het in 2008 daartoe gelei dat die leierskap – wat nie in ’n nasionale verkiesing aangewys is nie – ’n verkose president (mnr. Thabo Mbeki) kon herroep.”Die SGR is besorg oor die manier waarop onverkose ANC-leiers dit regkry om regeringsbeleid te rig, terwyl ’n party soos die SAKP, wat nie aan verkiesings deelneem nie, onder die ANC-vaandel in die parlement sit.Die voorval waarin mnr. Chumane Maxwele, ’n Kaapse student, in hegtenis geneem is toe hy minagtend teenoor pres. Jacob Zuma se voertuigkonvooi opgetree het, vererger sake.Die SGR meen dít en ’n voorval waar verslaggewers gedwing is om foto’s van die konvooi uit te wis, “kom neer op die ernstige ondermyning van vryheid van uitdrukking en van die media” en die “reg tot vrye politieke aktiwiteite”.Vrese bestaan ook oor gelykheid. Die SGR sê die aanstelling van adv. Menzi Simelane as nasionale vervolgingshoof ondermyn vertroue in die onafhanklikheid van die regbank en laat twyfel ontstaan of alle burgers gelyke behandeling sal ontvang.Simelane is al sedert sy aanstelling as vervolgingshoof in die spervuur omdat hy as ’n suiwer politieke aanstelling beskou word.Hy het direk ingemeng by die borgtogaansoek van die kwaitosanger Jub Jub (Molemo Maarohanye), wat op aanklagte van moord teregstaan.Simelane se besluit om die moontlike vervolging van mnr. Fana Hlongwane, ’n sentrale figuur in die land se peperduur wapentransaksie, te staak, het ook wyd kritiek ontlok.Die gebrek aan gehalte-gesondheidsorg en onderwys is ook besig om menseregte in te perk, meen die stigting. Die regering se planne om ’n nasionale gesondheidsversekeringskema op die been te bring, kan – gegewe die bestaande swak diens – sake op grondvlak net vererger, lui die verslag.Voorts bevind die land se onderwysstelsel hom steeds in ’n krisis, ondanks die beleggings wat sedert 1994 daarin gemaak is. Die land sukkel steeds met swak geletterdheidsyfers en gebrekkige syfervaardighede, wat vererger word deur onvoldoende toegang tot moedertaalonderrig, is bevind.Die SGR meen dít is te wyte aan die “vestiging” van Engels as die land se enigste amptelike taal.
- Die Burger

Appeal ?

Meraai is 'n groot Stormers fan. Net die anner dag laat sy vir haar 'n tattoo maak op elke binnebeen. Schalk Burger op die een been en Ricky Januarie op die ander.Toe sy vir Gatiepie op straat raakloop lig sy haar rok op en sê: "Kyk hie! Mooi nê! Kan jy raai wie's wie?"Gatiepie het die storie so gekyk en toe sê hy: "Ek wietie so mooi vannie twee ouens oppie kantie, ma die een innie middel is beslis Luke Watson."

Burgers moet hulself teen regering verset...Regsverteenwoordiger van Afriforum..Mnr Willie Spies

Burgers móét hulself teen regering verset, sê AfriForum se Spies

2010-03-28 22:15

Sonja Carstens
Suid-Afrikaners moet hulself verset teen die regering wat die Grondwet vertolk op ’n manier wat hom pas, al is die land ’n regstaat.Só het mnr. Willie Spies, regsverteenwoordiger van AfriForum, die naweek gewaarsku toe hy die filosofie-kafee by Café Riche op Kerkplein, Pretoria, toegespreek het oor die onderwerp “Waarom verset, selfs in ’n regstaat?”.Spies het burgers se gebrek aan verset vergelyk met ’n huiseienaar wat aan sy huis laat bou, maar die bouer toelaat om te maak wat hy wil.“?’n Regstaat is ’n staat waarin daar volgens reëls geregeer word. Die reëls is vervat in ’n kontrak tussen die staat en die burgery – ’n grondwet. “Maar net soos ’n mens in die geval van ’n ooreenkoms met ’n kontrakteur wat nie presteer nie sekere middele moet hê om die kontrakteur tot orde te roep, so het ons dit ook in ’n regstaat nodig. Verset is een manier waarop burgers die regering as kontrakparty tot orde kan roep,” het Spies gesê.Volgens Spies is verset teen die regering uiters noodsaaklik.Die redes is onder meer dat die staat hofbevele ignoreer, aandring op die oordrewe verteenwoordiging van rasse en onsensitief en uiters onverantwoordelik teenoor misdaadslagoffers optree met die regering se steun aan mnr. Julius Malema, ANC-jeugligaleier, se “haatspraak-uitlatings”.Spies het verwys na die ANC wat met “skok” en “teleurstelling” gereageer het op die bevel wat Vrydag in die hooggeregshof in Johannesburg gelewer is. Hiervolgens is dit onwettig en ongrondwetlik om die omstrede frase “dubulu ibhunu” (skiet die Boer) te sê of te publiseer.AfriForum vra vandag die hooggeregshof in Pretoria om Malema met ’n dringende interdik te verbied om die gewraakte woorde te sê.Volgens Spies is die aard van verset belangrik. Dit moet gepaard gaan met ’n verantwoordelikheid- en roepingsbesef en moet volhoubaar wees. Met verwysing na die oud-joernalis Chris Louw, wat homself vier maande gelede doodgeskiet het, het Spies gesê dit was ook ’n daad van verset. Louw het kort voor sy dood geskryf: “Ons deelname aan die openbare lewe word stelselmatig afgetakel om ons aandeel in die bevolkingsamestelling te reflekteer: 6%. Dit is wat ons standpunt vandag werd is.”Spies meen egter Suid-Afrikaners moet hulle weerhou van selfvernietigende dade van verset. “Daar bestaan nog middele waardeur die 6% deur vindingrykheid en ’n goed georganiseerde burgerlike samelewing hulself hoorbaar kan maak.”Met verwysing na AfriForum se “burgerlike sanksieveldtog teen Zimbabwe” het Spies daarop gewys dat AfriForum deur middel van gewone regsprosesse en sy beoogde beslaglegging op Zimbabwiese eiendom in Kaapstad dié week reeds “sanksies” van ’n groter omvang as die VSA se geteikende sanksies teen Zimbabwe-regeringslui instel.

Moloto... Plaas aanvallers skiet op Jakkalsdans..Kobus Erasmus ...Noord Van Pretoria

Pa, seun koes vir koeëlreën

2010-03-28 22:15

Mnr. Kobus Erasmus (40) van die plaas Jakkalsdans naby Moloto, noord van Pretoria, sê sy hond Rufus het een van hul aanvallers eergisteraand gebyt. Foto: Jaco Marais
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Virginia Keppler
’n Bende gewapende rowers het eergisteraand twee huise op die plaas Jakkalsdans naby Moloto “omsingel” en talle skote op die eienaars geskiet in wat soos ’n “klein oorlog” geklink het.Mnr. Kobus Erasmus (40) het gesê hy en sy seun, Corrie (18), moes vir die koeëls weghardloop wat uit alle rigtings op hulle geskiet is.Die pa en seun het gaan ondersoek instel nadat hul honde omstreeks 21:30 erg begin blaf het.“Corrie het eers deur die venster gekyk en gesê daar is mense in ons erf. Ek het eers gedink dit is een van ons werkers en ons het gaan ondersoek instel,” het Erasmus gesê. Op daardie oomblik het Erasmus se pa, mnr. Lukas Erasmus (64), ook uit sy huis op die erf gestap om te gaan kyk waarom die honde blaf. Die twee huise is ’n klipgooi van mekaar.“Toe ek en my seun om die motorhuis se hoek kom, het my hond, Rufus, ’n verdagte gegryp. Die volgende oomblik het ’n ander verdagte op ons begin skiet. Hy was so 5?m van ons af,” het mnr. Kobus Erasmus gesê.“Skielik was daar meer as vier mense wat op ons geskiet het. Ek het vir my pa geskreeu om terug huis toe te hardloop. ‘Gryp jul gewere en skiet!’ het ek geskreeu. In werklikheid het ons nie ’n vuurwapen van ’n dag oud nie. Ek het maar net gehoop hulle skrik as hulle dink ons gaan terugskiet,” het hy gesê.Terwyl hy en Corrie huis toe gehardloop het, het die koeëls aanhou kom.Mnr. Kobus Erasmus se vrou, Tessa (46), het hul ander twee kinders (17 en 10) gegryp en na die hoofslaapkamer gehardloop. Hulle het op die vloer langs die bed gaan lê.Mnr. Erasmus se pa en stiefma, Marie, het ook in hul huis die ligte afgeskakel en op die vloer gaan lê.“Ek en Corrie het die die huis ingehardloop, ligte afgeskakel en gordyne toegetrek en plat gaan lê. Ons het ’n ruk lank bly lê totdat dit doodstil was,” het Erasmus vertel.Hy het gesê dit is ’n wonderwerk dat niemand raak geskiet is nie. Een van die koeëls het sy bakkie se modderskerm getref.Die polisie het op 9?mm-pistool- en haelgeweerdoppe beslag gelê. ( Beeld)

Plaasaanvallers slaan nog 3 keer toe by Nelspruit

Plaasaanvallers slaan nog 3 keer toe by Nelspruit

2010-03-26 22:29

Buks Viljoen
Nelspruit. – Nog drie plaasaanvalle het eergister in dié omgewing plaasgevind. Daar word vermoed dat die drie aanvallers wat vroeër vandeesweek ’n bejaarde paartjie, mnr. Stuart Jonker (81) en sy vriendin, me. Tina Muller (82), erg op hul plaas in die Sterkspruit-omgewing aangerand het, by die jongste twee aanvalle in dieselfde gebied betrokke was.Die polisie het gisteroggend vroeg ’n deurbraak in die Muller/Jonker-aanval gemaak toe die paartjie se tuinwerker in hegtenis geneem is.Twee plaasaanvalle het Donderdagnag binne twee uur in dieselfde omgewing plaasgevind waar Muller en Jonker woon.Omstreeks 21:00 is mnr. Robin Maguire (47) en sy gesin op hul plaas Waterberry in die Brondal-omgewing oorval.Die aanvallers het die gesin vasgemaak en beroof.Skaars twee uur later is mnr. Walter Lakie (60) in sy huis op die Makaya-plaas, enkele kilometers van die Maguires af, aangeval. Net ’n selfoon is by hom gesteel.In ’n aanval eergisteroggend in die omgewing van The Rest aan die ander kant van Nelspruit is ’n egpaar aangehou en beroof. Hulle is nie beseer nie.Insp. Dawie Pretorius, woordvoerder van die polisie in Nelspruit, het bevestig hulle ondersoek die moontlikheid dat dieselfde bende by die drie aanvalle in dieselfde omgewing betrokke was.

‘Die wêreld moet weet van dié polisiegeweld’

2010-03-20 23:29

Me. Magdel Steyn van Pretoria kry wêreldwyd steun nadat videomateriaal oor die brutaliteit van die Pretoriase metropolisie teen haar en haar ma, Annamarie, gebruik het, bekend geword het. (Foto: Sharief Jaffer)

Foto's · Lesersfoto’s · Nuus in Foto's
Stuur vir ons jou foto's · Stuur vir ons jou foto's


Marlene Malan
Sowat 20 lede van die Tshwane-metropolisie in Pretoria het op haar toegesak, haar rondgepluk, hardhandig vasgedruk en allerlei beledigings toegesnou.

Dié polisiegeweld weens haar beweerde parkeeroortreding is op kringtelevisiekameras vasgevang en beeldmateriaal van dié voorval is verlede Sondag op die televisieprogram Carte Blanche vertoon.

Die wêreld moet weet van die fisieke en verbale geweld wat sy op 30 November verlede jaar in die Pretoriase middestad onder die stadspolisie gely het, het me. Magdel Steyn (24) aan Rapport gesê.

Die beeldmateriaal, wat deur AfriForum bekend gemaak is, sal as bewysstuk dien in ’n siviele eis wat Steyn en haar ma, mev. Annamarie Steyn, van die Oos-Rand teen die Tshwane-metropolisie gaan instel.

Onder die klagte tel polisie­bru­ta­li­teit, onregmatige inhegtenisneming en menseregteskending.

Die verbale misbruik was net so erg as die fisieke polisiegeweld, het ’n steeds geskokte Steyn jr. gesê.

“Ek is rondgeruk, hardhandig vasgedruk en 15 uur lank in ’n tronksel sonder kos of water aangehou. My ma is van my af weggestamp, gedwing om kilometers te stap, duisende rande het uit ons kar verdwyn, en ons kar en besittings is beskadig.

“Maar wat die ergste is, is dat ek ‘wit gemors’ genoem is – ’n ‘wit koei’, ’n ‘rassis’, ’n ‘moordenaar’, wat ‘omdat ek wit is van beter moes geweet het’.

“’n Vroulike polisiebeampte het gesê sy sal my ‘laat ly’ en nog een dat dat ek ’n ‘cheeky wit meisietjie’ is.” En: “Ons moet wit misdadigers soos jy van die pad af kry voor die Wêreldbekersokker-toernooi.”

Steyn jr. vertel sy het dié dag twee keer om die blok van Esselen- en Meintjiesstraat in Sunnyside gery nadat sy Steyn sr. afgelaai het.

Steyn sr., wat moeilik loop weens ’n knieprobleem, sou binne minute terug wees.

“Ek kon nêrens parkeerplek kry nie en ek kon my ma ook nie ver terug kar toe laat loop nie. Ek het voor twee motors wat reeds in Meintjiesstraat dubbel geparkeer was, gaan staan.

“My kar was nooit afgeskakel nie; die noodligte was aan. Ek was nooit ’n versperring nie.”

Eers het ’n insleepvoertuig haar probeer verwilder, waarna ’n man in siviele drag aan haar venster kom ruk en slaan het.

Steyn jr. het verder gery, en dieselfde man het aan haar deur geruk.

“Toe ek 20 m verder agter ’n ander voertuig stilhou, was die insleepvoertuig en ’n klomp polisiekarre binne sekondes by my.

“So 20 mense het om my kar kom staan. Eers toe het die onbekende man sy polisiebaadjie aangetrek. Net sommige was herkenbaar as polisiebeamptes.”

Toe sy haar ma sien naderkom na die motor om te probeer help, “het drie mans van ‘kar vat’ en ‘arrestasie’ gepraat”.

Steyn jr. is rassistiese beledigings toegesnou en twee polisievroue het haar teen die insleepvoertuig se bak vasgedruk en geboei.

Steyn jr. is in ’n polisiemotor “ingedwing”, haar motor is weggesleep en Steyn sr. moes 2 km na die polisiekantoor stap.

Die beeldmateriaal toon dat Steyn jr. geen beampte met haar motor “gestamp” het soos die metropolisie beweer nie.

Die Tshwane-metropolisie ondersoek die voorval.


- Rapport

Kommentaar deur Sonny

Wat 'n kleurvolle SA is die'?

Is dit waarvoor ons gestem het?

"Skiet die Boer" verbied

‘Skiet die Boer’ verbied

2010-03-26 22:29

Mnre. Willem Harmse en Muhammed Vawda gister voor die hooggeregshof in Johannesburg nadat die hof beslis het dis onwettig om die woorde “dubulu ibhunu” (“skiet die Boer”) te uiter.Foto: Loanna Hoffmann
Foto's · Lesersfoto’s · Nuus in Foto's Stuur vir ons jou foto's · Stuur vir ons jou foto's
Susan Cilliers
Dit is onwettig en ongrondwetlik om die omstrede frase “dubulu ibhunu” (“skiet die Boer”) te sê of te publiseer, lui ’n bevel wat ’n regter gister in die hooggeregshof in Johannesburg uitgereik het. Waarnemende regter Leon Halgryn het aanvaar dié Zoeloewoorde beteken “skiet die Boer/wit man”, dat dit haatspraak is en die uiting of publikasie daarvan ’n strafregtelike oortreding kan wees as dit gedoen word om misdaad aan te moedig.Mense wat sulke uitsprake maak, kan dus nou strafregtelik aangekla word en sal moet bewys die uitlating was nie bedoel as aanhitsing tot ’n misdaad nie.Die ANC het met “skok” en “teleurstelling” op die uitspraak gereageer en gesê hy gaan die hofbevel in die konstitusionele hof beveg. Die frase is deel van die struggle-lied “Ayesaba amagwale” (“lafaards is bang”) en die ANC meen die regter moes die party se insette oor die lied se geskiedenis en betekenis gekry het, het mnr. Jackson Mthembu, nasionale ANC-woordvoerder, gesê.Mnr. Willie Spies, AfriForum en TLU SA se regsverteenwoordiger, het gesê die hofbevel beklemtoon hoe belangrik dit is dat mense soos die ANC-jeugligaleier, mnr. Julius Malema, gedwing moet word om hulle te weerhou van sulke uitsprake.“Ons sal op die bevel steun in ons aansoek om ’n interdik teen Malema volgende week in die hooggeregshof in Pretoria.”Dis die eerste keer dat ’n Suid-Afrikaanse hof so ’n bevinding oor dié frase maak, het prof. Pierre de Vos, grondwetkenner van die Universiteit van Kaapstad, gesê.Volgens hom is die implikasie van Halgryn se bevel dat die hooggeregshof in Johannesburg en enige laer hof landwyd daaraan gehoor moet gee en dit volg as iets soortgelyks voor hulle gebring word.Selfs hooggeregshowe in ander streke kan kennis neem van die bevel en dit volg, tensy hulle meen dit is verkeerd.De Vos het gesê die Menseregtekommissie (MRK) se appèlraad het al tevore bevind die uitspraak “Kill the Boer” is haat-spraak. ’n Hofuitspraak is egter meer bindend as dié van ’n regsforum soos die MRK. Halgryn se bevel is uitgereik nadat mnr. Willem Harmse van Delmas ’n aansoek teen mnr. Muhammed Vawda van Barberton ingedien het.Hulle is albei lede van ’n landwye vereniging wat vir landsburgers se grondwetlike regte veg. Die organisasie beplan om op 9 April in Pretoria ’n optog teen misdaad, veral moord op boere, te hou, het Vawda gister aan Beeld gesê.“Die wit boere (in ons vereniging) het begin praat oor die omstrede ‘dubulu ibhunu’. Ek het voorgestel ons maak ’n banier met dié woorde vir ons optog omdat mense dié woorde interpreteer as ‘maak apartheid dood’.“Ek het gedink dit sal die wêreld wys ons stem saam apartheid moes weg en dat ons ’n volwasse demokrasie geword het, maar vra dat moorde nou stopgesit word.”Harmse, ’n sakeman, verskil egter sterk met Vawda: “Jy kan nie woorde se betekenis verander nie. ‘Dubulu ibhunu’ beteken wit mense en boere moet geskiet word. Dis oorlog-spraak en in kontras met waaroor die optog gaan.“Ek en Muhammed is steeds vriende, maar ons het besluit die hof moet ’n beslissing maak,” het Harmse gesê. Vawda het gesê hy aanvaar die bevel. Die optog gaan voort. Baniere met die woorde “Maak misdaad dood, red die boer” sal nou gebruik word. Hof toe oor MalemaAfriForum en TLU SA gaan Maandag ’n hofaansoek by die hooggeregshof in Pretoria indien vir ’n dringende interdik teen mnr. Julius Malema, ANC-jeugligaleier.Dit is omdat hy nie teen gistermiddag 16:00 voldoen het aan die versoek van die twee organisasies om onvoorwaardelik verskoning aan te bied vir sy volgehoue gebruik van die frase “dubulu ibhunu” (skiet die Boer) nie. AfriForum Jeug het op 12 Maart klagte teen Malema by die gelykheidshof ingedien en Malema het al kennis van dié klagte gekry, het mnr. Willie Spies, regsverteenwoordiger van AfriForum en TLU SA, in ’n verklaring gesê.